НавіныВідэаАўдыёФотаБіяграфіяКнігіАртыкулыІнтэрв’ю
Галоўная старонка » Навіны

ВОЙСКА -- ДЛЯ АБАРОНЫ АЙЧЫНЫ, АЛЕ НЯ СУПРАЦЬ НАРОДА

ВОЙСКА -- ДЛЯ АБАРОНЫ АЙЧЫНЫ,  АЛЕ НЯ СУПРАЦЬ НАРОДА

(Зварот да прызыўнікаў)

Пачынаецца асеньні набор у войска. Не пагаджайцеся служыць ва ўнутраных войсках і ўcялякіх спэцназах, бо цяпер гэта тэрарыстычныя атрады антыбеларускай хунты. Калі трапіце ва ўнутраныя войскі, вас будуць прымушаць страляць у свой народ, зьбіваць і катаваць вашых бацькоў, матак, братоў, сясьцёр, сяброў і суседзяў. Вам будуць там "прамываць мазгі", каб зрабіць карнікаў, чалавека-робатаў рэпрэсій.

Цяперашняя ўлада незаконная. Яна праводзіць антыбеларускую палітыку чужой дзяржавы (Масквы) і ўстанавіла рэжым унутранай акупацыі, зьневажае народ абыходзіцца зь беларусамі як з акупацыйным насельніцтвам.

Ідзеце служыць у беларускае войска абароны. Там трэба быць, каб трымаць зброю супраць зьнешніх ворагаў Беларусі. Там вучэцеся валодаць зброяй. Гэта спатрэбіцца дзеля абароны Беларусі.

Але адмаўляйцеся ад службы ў міліцэйскіх унутраных войсках, каб ня ўдзельнічаць у рэпрэсіях супраць народа.

Жыве Беларусь! Слава Айчыне!

 

25 верасень 2020 г.                                                  Зянон ПАЗЬНЯК

Дадаць у: