ЛІСТ Ў ЦВК

Учора у Цэнтральную выбарчую камісію быў накіраваны ліст, тэкст якога зьмяшчаем ніжэй. Зьвесткі аб выніках назіраньня за галасаваньнем зьмешчаны на партыйнай старонцы КХП – БНФ (http://www.narodnaja-partyja.org/  і на старонцы http://www.biel-ruch.org ).

 

У Цэнтралную Выбарчую Камісію

Рэспублікі Беларусь.

Старшыні ЦВК сп. Л. Ярмошынай

 

 

 1-га кастрычніка 2012 г.

 

 

            Па зьвестках нашых назіральнікаў, якія назіралі за папярэднім і асноўным галасаваньнем на 32-х выбарчых участках у12 акругах у васьмі раёнах Менска яўка выбаршчыкаў была ад 19 да 35%.

            Аналагічная сытуацыя зафіксавана ў гарадах Баранавічы, Пінск, Магілёў, Слуцк, Салігорск, Клімавічы, Гомель,  Ліда, Нясьвіж, Горкі, Браслаў і выбарачна -- у цэлым па Беларусі. На ўсіх участках па ўсёй краіне, дзе адбывалася назіраньне за папярэднім і асноўным галасаваньнем, яўка выбаршчыкаў нідзе не дасягнула паловы выбаршчыкаў ад зарэгістраваных у сьпісах.

            Інфармуем Вас, што выбары ў палату прадстаўнікоў, якія праводзіліся ў Беларусі з 18-га па 23-га верасьня гэтага года, не адбыліся і згодна Закона (Выбарчы кодэкс Рэспублікі Беларусь разьдзел 5, глава 18, арт. 82 )  павінны быць прызнаныя несапраўднымі.

 

                                    Зянон Пазьняк

                                   Старшыня Кансэрватыўна-Хрысьціянскай Партыі – БНФ

                                   Юры Беленькі

                                   Намесьнік старшыні Кансэрватыўна-Хрысьціянскай Партыі – БНФ

                                   Сяргей Папкоў

                                   Намесьнік старшыні Кансэрватыўна-Хрысьціянскай Партыі – БНФ